Nrhiav Kev Pab

Lub hom phiaj uas ruaj tseg yog ib qho yooj yim, cov tswv yim npaj muaj tus me nyuam los pab nws tawm tau ntawm qhov xwm txheej thiab ua rau muaj kev nyab xeeb. Cov me nyuam yaus tsis tuaj yeem dim ntawm raug kev tsim txom, tabsis feem ntau lawv tau maj mam ua kom cuam tshuam raug tus neeg ua phem lossis cuam tshuam ncaj qha rau kev sib cav. Qhov zoo tshaj plaws rau cov me nyuam yog ua kom tau tawm deb ntawm txoj kev zoo li ntawd.

• Muab tus me nyuam mus tso rau ib chav lossis ib qho chaw uas ruaj ntseg hauv tsev, qhov zoo dua yog ib qho chaw uas raug xauv lub qhov rooj thiab muaj lub xov tooj. Thawj kauj ruam yog rau tus me nyuam kom tawm ntawm chav uas muaj qhov kev ua phem ntawd tshwm sim.
• Qhia tus me nyuam txog txoj hauv kev uas yuav hu nrhiav kev pab li cas. Yuav tsum ntseeg tias koj tus me nyuam paub siv xov tooj hauv lwm chav uas sib txawv ntawm qhov chaw raug ua phem.
• Qhia tus me nyuam txog txoj hauv kev hu rau tub ceev xwm thiab thaum twg nws tsim nyog thiab tsis tsim nyog uas yuav hu rau lawv.
• Yuav tsum ntseeg tau tias tus me nyuam paub nws qhov chaw nyob thiab lub npe tag nrho
• Xyaum seb tus me nyuam yuav tsum hais li cas. (Tej yam uas yooj yim, xws li hais tias ib tug neeg tab tom ua phem rau kuv niam)
• Sim siv me nyuam roj hmab los xyaum qhia ua si